Köbes breng noch Kölsch eran

"DE JUNGE"
Köbes breng noch Kölsch eran

Vers 1

Ich kunnt en's Naachs nit schloofe
däht öm de Block noch loofe
do kom ich an 'ner Kneip vorbei
die hat noch nit jeschlosse
do soßen nette Lückche
un dranken noch e Schlückche
e paar die däten danze
un dobei e Leedche singe
dat jing

Refrain (2x)

Köbes breng noch Kölsch eran
die Naach fängk jrad esch an
die Naach fängk jrad esch an
dröm breng noch Kölsch eran


Vers 2

Ich blef noch e paar Stöndche
un jov noch e paar Röndche
et wod jeschunkelt un jelaach
dat Schmölzje dat wor löstig.
Dä Weet wor keine Schluffe
dät kräftig met uns suffe
die Zigg jing vill ze flöck vorbei
un alles wor am singe

Vers 3

Morjens fröh kom ich no Huss
met däm fiere wor jetzt Schluss
schnell noch en et Bett erin
ich hat jot eine setze.
Em Draum, dat fand ich wirklich nett
do stonnt dä Köbes vür em Bett
"Soll ich noch e Röndche brenge?
un met üch zesamme singe?"